Байдэн стаў першым у гісторыі прэзідэнтам ЗША, які далучыўся да страйку

Палітык падтрымаў патрабаванне працоўных аб павышэнні заплаты.

У аўторак, 26 верасня, прэзідэнт ЗША Джозэф Байдэн далучыўся да страйку работнікаў аўтамабільнай прамысловасці, які праходзіць у Мічыгане. Ён стаў першым дзейным прэзідэнтам, які далучыўся да пікета.

Пра гэта паведамляе Financial Times.

Кіраўнік прафзвязу United Auto Workers Шон Фэйн, які запрасіў Байдэна далучыцца да страйкоўцаў, падзякаваў яму за тое, што ён прыйшоў, «каб устаць разам з намі ў вызначальны для нашага пакалення момант».

«Не Уол-стрыт пабудавала краіну, а сярэдні клас пабудаваў гэтую краіну. А прафзвязы пабудавалі сярэдні клас… Вы заслугоўваеце таго, што зарабілі, і вы зарабілі значна больш, чым вам плацяць цяпер», — сказаў Байдэн.

На пытанне журналіста, ці заслугоўваюць працоўныя 40% павышэння заробку, Байдэн адказаў: "Так".

У сераду, 27 верасня, да страйкоўцаў плануе сустрэцца Дональд Трамп.

Візіт Байдэна на пікет адбудзецца крыху больш чым за год да прэзідэнцкіх выбараў у ЗША, на якіх Мічыган і Агаё будуць найважнейшымі штатамі, дзе разгорнецца барацьба. Дональд Трамп перамагаў у Агаё ў 2016 і 2020 гадах, а Мічыган галасаваў за былога прэзідэнта ў 2016 годзе, а чатыры гады праз абраў Байдэна.

Страйк UAW на мінулым тыдні распаўсюдзіўся на 20 штатаў. Работнікі аўтамабільнай прамысловасці ўстурбаваныя шырокім пераходам галіны на выраб электрамабіляў, які мае патрэбу ў меншай колькасці працоўных месцаў, патрабуюць 40% павышэння заплаты і шэрагу льгот.