Парламент Балгарыі падтрымаў пастаўкі Украіне няспраўных ракет С-300

Украіна зможа іх адрамантаваць і выкарыстоўваць для абароны сваіх гарадоў.

Парламент Балгарыі сёння, 27 верасня, за зачыненымі дзвярыма прагаласаваў нетрадыцыйнай працэдурай за пастаўку непрыдатных да эксплуатацыі ракет С-300 Украіне.

Пра гэта паведамляе The Sofia Globe.

Украіна зможа іх адрамантаваць і выкарыстоўваць для абароны сваіх гарадоў ад нападаў Расеі.

Дэбаты працягваліся больш за тры гадзіны, пачынаючы з адкрытага пасяджэння, а затым перайшоўшы за зачыненыя дзверы, каб выслухаць галоўнага камандзіра адмірала Эміля Яфтымава і намесніка камандзіра ВПС брыгаднага генерала Пецья Мірчава.

Пастанова, прадстаўленая дэпутатамі ад ГЕРБ-АДФ, «Мы працягваем змены ў дэмакратычнай Балгарыі» і «Рух за правы і свабоды», мяркуе, што Балгарыя паставіць Украіне ракеты С-300, а не ўсю ракетную сістэму.

Украіна атрымае патроны калібру 5,45 мм з запасаў Міністэрства ўнутраных спраў Балгарыі.

«Журналістам давялося пачуць ад дэпутата ад ГНС Дэляна Пяеўскага, што пастанова была ўхваленая, супраць выступіла пракрамлёўская партыя «Адраджэнне», а Балгарская сацыялістычная партыя пакінула палату падчас закрытай часткі паседжання», - гаворыцца ў матэрыяле.