Newsweek: УСУ стварылі хаос у войску РФ

Украінскае камандаванне абрала незвычайна эфектыўную стратэгію.

УСУ ствараюць хаос у войску РФ, ліквідуючы расейскіх камандзіраў. Ліквідацыя кожнага высокапастаўленага афіцэра стварае ў падраздзяленнях супраціўніка часовую блытаніну, бо яны не здольныя дзейнічаць аўтаномна.

Аб гэтым піша Newsweek са спасылкай на словы былога ўкраінскага вайскоўца Віктара Каваленкі.

З ім згодны і былы начальнік амэрыканскіх войскаў у Еўропе Бэн Годжэс.

Паводле ягоных слоў, калі ўкраінскія вайскоўцы ліквідоўваюць найвышэйшых военачальнікаў расейцаў, яны запавольваюць здольнасць ворага манэўраваць на полі бою і прадбачыць далейшую хаду падзей.

"Гэта перашкаджае іхняму планаванню, бо ім даводзіцца перабудоўвацца і шукаць новае месца", — падкрэсліў генерал у адстаўцы.

У сваю чаргу, Фэдэрыка Барсары з Цэнтра аналізу еўрапейскай палітыкі адзначае: ліквідацыя камандзіраў расейскага войска з'яўляецца часткай больш шырокай стратэгіі камандавання УСУ.

Канчатковая мэта такіх дзеянняў — істотнае зніжэнне здольнасці варожых сіл праводзіць зладжаныя аперацыі на фронце.