УСУ адкінулі расейцаў на Купянска-Ліманскім кірунку

Украінскія вайскоўцы замацаваліся на ўзятых падчас штурму пазіцыях.

Украінскія байцы выцеснілі расейскіх акупантаў на Купянска-Ліманскім кірунку і замацаваліся на пазіцыях.

Пра гэта паведамляе РБК-Украіна са спасылкай на прадстаўніка Нацгвардыі Мікалая Уршаловіча на брыфінгу.

«Падраздзяленні 4-й брыгады аператыўнага прызначэння супольна з падраздзяленнямі Узброеных сіл правялі ўдарна-штурмавыя дзеянні. Выцеснілі супраціўніка з займаных пазіцый і замацаваліся», - сказаў ён.

Паводле ягоных слоў, гвардзейцы ўтрымліваюць абарону, ажыццяўляюць аэравыведку і метадычна знішчаюць варожыя мэты ў раёнах Серабранскага лясніцтва і Белагароўкі. Пры гэтым яны знаходзяцца пад інтэнсіўным агнём расейцаў.

Уршаловіч дадаў, што нашы байцы праводзяць ударна-штурмавыя дзеянні па паляпшэнні тактычнага становішча. Яны наносяць ворагу страты ў жывой сіле і тэхніцы, а таксама папаўняюць наш абменны фонд.

Сітуацыя на перадавой

У Генштабе таксама паведамлялі, што расейскія вайскоўцы не вялі наступальных дзеянняў на Купянскім і Ліманскім кірунках учора.

У той жа час ва Усходняй групоўцы войскаў УСУ адзначалі, што захопнікі могуць рыхтавацца да наступу на Лімана-Купянскім кірунку. Акупанты фармуюць там 12 штурмавых рот.