Такаеў: Казахстан будзе выконваць санкцыі супраць Расеі

І павялічыць пастаўкі нафты ў Еўропу.

Казахстан будзе прытрымлівацца санкцый Захаду супраць Расеі і мае кантакты з усімі адпаведнымі арганізацыямі па выкананні рэстрыкцыйнага рэжыму. Аб гэтым заявіў прэзідэнт рэспублікі Касым Жамарт Такаеў, паведамляе «Нямецкая хваля».

«Казахстан адназначна заявіў, што будзе прытрымлівацца санкцый і мае кантакты з адпаведнымі арганізацыямі ў выкананні санкцыйнага рэжыму», - сказаў Касым Жамарт Такаеў падчас сустрэчы з канцлерам ФРГ Олафам Шольцам.

Ён дадаў, што Казахстан гатовы нарасціць пастаўкі нафты ў Нямеччыну.

«На просьбу нашых нямецкіх сяброў я пацвердзіў гатоўнасць нашай краіны павялічыць пастаўкі нафты на працяглы тэрмін», — заявіў Такаеў. Аб якіх аб'ёмах паставак ідзе размова, ён не ўдакладніў.