Дзяржсакратар ЗША Блінкен сыграў на гітары і праспяваў блюз
10- 28.09.2023, 18:11
- 6,604
Відэафакт.
Дзяржаўны сакратар ЗША Энтані Блінкен выйшаў на сцэну, разам з гуртом сыграў на гітары і праспяваў, прадстаўляючы новую ініцыятыву музычнай дыпламатыі.
Новую ініцыятыву культурнай дыпламатыі ЗША, якую запусціў Блінкен, назвалі Global Music Diplomacy Initiative. Дэярждэп прадставіў яе, выйшаўшы на сцэну разам з ансамблем і праспяваўшы блюзавы стандарт Hoochie Coochie Man.
«Мэта ініцыятывы - выкарыстанне магчымасцей дзяржаўна-прыватнага партнёрства для стварэння музычнай экасістэмы, што садзейнічае развіццю эканамічнай роўнасці і крэатыўнай эканомікі, стварае магчымасці і забяспечвае доступ да адукацыі», - адзначаюць у камюніке Дзярждэпа.
I couldn’t pass up tonight’s opportunity to combine music and diplomacy. Was a pleasure to launch @StateDept’s new Global Music Diplomacy Initiative. pic.twitter.com/6MUfTXO9xK
— Secretary Antony Blinken (@SecBlinken) September 28, 2023
Дзякуючы новай ініцыятыве, ЗША плануюць разнастаіць вывучэнне ангельскай мовы ў розных краінах свету, дадаўшы ў навучальныя праграмы амерыканскія песні.
Таксама ў рамках музычнай дыпламатыі плануюць запусціць ментарскую праграму American Music Mentorship Program, адзін з праектаў якой будзе накіраваны на прафесійных маладых музыкаў родам з Украіны. Ім дадуць магчымасць абмяняцца досведам з калегамі з іншых краін, а таксама атрымаць кансультацыі амерыканскіх спецыялістаў, напрыклад, захаванні культурнай ідэнтычнасці праз музыку.
