Заснавальнік «Лукойла» распрадае апошнюю маёмасць у Расеі

Год таму Леанід Фядун прадаў іншыя актывы: ФК «Спартак» і стадыён «Адкрыццё Банк Арэна».

Адзін з сузаснавальнікаў «Лукойла» Леанід Фядун распрадае маёмасць у Расеі, паведамляе Shot. Паводле інфармацыі канала, на продаж выстаўленая элітная кватэра ў цэнтры Масквы, дзе жыла сям'я Федуна, і дарагая яхта. Год таму Леанід Фядун прадаў іншыя актывы: ФК «Спартак» і стадыён «Адкрыццё Банк Арэна».

Кватэра Федуна размешчаная ў завулках Арбата, у гістарычным прыбытковым доме І. С. Баскакава, і прадаецца за 150 млн рублёў. Яе кошт называюць прыніжаным: дом уяўляе сабой нядаўна адрэстаўраваны асучаснены помнік архітэктуры ў самым цэнтры Масквы з прыватным дваром і бесперапыннай аховай.

Стальная маторная яхта Sparta (67 метраў у даўжыню), была спушчаная з нідэрландскіх верфяў блізу двух гадоў таму. Яе рабілі на замову: судна абсталяванае басейнам з пейзажным эфектам бясконцасці, авальным джакузі з барам, саўнай і парнай, гаражом пад лімузін і ліфтам.