«Курсам польскай мовы прыйшоў гамон»

Беларуска адрэагавала на словы генеральнага пракурора Шведа.

Генеральны пракурор Беларусі Андрэй Швед абурыўся колькасцю ангельскай мовы ў школах. "Мы рыхтуем працоўную сілу для Захаду?" — скардзіўся ён.

Чытачка сайта Charter97.org з Менска пракаментавала нападкі лукашыстаў на вывучэнне замежных моў у школах:

— На фоне вэрхалу ў галіне беларускай адукацыі згадаліся мне словы маёй прыяцелькі з Менску.

«Іра, паверце мне, наступным крокам будзе закрыццё цэнтраў вывучэння замежных моў, скарачэнне гадзін замежных моў у школах». Я спрачалася, аспрэчвала гэту тэзу. Бо гэта ж абсалютны нонсэнс — адмаўляцца ад спецыялістаў з веданнем замежных моў.

Але вось прайшоў год. Тэлефануе мне мая прыяцелька, кажа, што нашаму цэнтру (назву падаваць у мэтах бяспекі не буду) падоўжылі ліцэнзію толькі на адзін год. Але з адной умовай: закрыць курсы польскай мовы. Бо, маўляў, людзі масава з’язджаюць у Польшчу.

Ну і далей ўсё паводле жанру. І ў школах тыя мовы не патрэбныя. Як жа такое можа быць, што лекцый ангельскай больш, чым расейскай мовы.

Наша чытачка расказвае пра навучанне сваёй дачкі ў польскай школе:

— А мая дачка на гэтым тыдні святкавала міжнародны дзень замежных моў у Беластоку. У школе цягнулі жэрабя, які клас у колерах сцяга якой краіны Еўразвязу мусіць прыйсці да школы. І вучні ўсёй школы сёння выглядалі рознакалярова і нязмушана. Адразу відно: дзеці адкрытыя да моў і свету. Дарэчы, першую замежную мову пачынаюць вучыць у першым класе, а ў чацвёртым пачынаецца другая замежная мова.

А на Радзіме да 11 класа не могуць вывучыць родную беларускую. І прыкра чуць, калі бацькі на бацькоўскім сходзе кажуць: «как жэ харашо, что історію Беларусі дзеці будут учіть по-рюскі». Якая мова, такая і гісторыя, якая гісторыя, такое і жыццё, спадарства.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com