Лукашэнка чарговым разам падмануў жыхароў вёсак

Дыктатар супярэчыць сам сабе.

Улады не будуць займацца развіццём неперспектыўных вёсак. Аб гэтым заявіў Аляксандр Лукашэнка падчас рабочай паездкі ў Магілёўскую вобласць, піша яго прэс-служба.

Дыктатар адзначыў, што зараз у прыярытэце аграгарадкі, якіх у краіне амаль паўтары тысячы.

- Што тут хаваць, насельніцтва сельскае ў будучыні будзе жыць у аграгарадках, адсоткаў на 80-85. Астатняе насельніцтва будзе ў буйных вёсках, - сказаў Аляксандр Лукашэнка.

Ён зазначыў, што, магчыма, сваё развіццё атрымаюць і некаторыя неперспектыўныя вёскі, але толькі калі будзе цікавасць з боку прыватных асоб.

- Але галоўнае - гэта аграгарадкі, - падкрэсліў Лукашэнка. - Вось сёння хацелася б паглядзець, як будзе выглядаць вёска будучыні. Мы пішам там рознага кшталту кандыдацкія, доктарскія, дысертацыі - сорамна назва чытаць, не тое што глядзець на гэтую дысертацыю. Давайце на гэтыя тэмы будзем нешта пісаць, распрацоўваць. Тым больш спецыялістаў у нас дастаткова, якія добра ведаюць, як было, як ёсць і як будзе, г.зн. цэлы пласт можна і трэба падняць для разважання і ўжо практыкі.

«Зеркало» звярнула ўвагу, што летам 2020 года Аляксандр Лукашэнка падчас нарады ў пытаннях развіцця жыллёва-камунальнай гаспадаркі ў Полацку, наадварот, заклікаў адраджаць хутары і неперспектыўныя вёскі. У той раз ён адзначаў, што з-за пандэміі каранавіруса беларусы сталі часцей задумвацца аб куплі ўласных надзелаў зямлі.

- Трэба адрадзіць гэтыя хутары і неперспектыўныя вёскі. І ў каго ёсць невялікая капейка - трэба ўкласці менавіта ў гэта, у будучыню для сваіх дзяцей, - казаў Лукашэнка.