Крамлёўскія прапагандысты спрабавалі выдаць польскі горад Эльблонг за Калінінград

Але абняславіліся.

Расейскія прапагандысты чарговым разам абняславіліся сваімі апавяданнямі пра «росквіт» краіны-агрэсаркі. Тэлеканал «Расея 1» выпусціў цэлы сюжэт аб развіцці Калінінградскай вобласці, аднак замест Калінінграда паказаў польскі горад Эльблонг.

У рэпартажы распавялі, як рэгіён «квітнее», нягледзячы на санкцыі Захаду.

Аднак у сетцы звярнулі ўвагу, што на кадры расейскага канала трапіў горад Эльблонг у «загніваючай» Польшчы. Ім прапагандысты «ўпрыгожылі» апошнія секунды матэрыялу.