Honda прапанавала свой першы поўнасцю электрычны пазадарожнік

Дарагое задавальненне.

Honda паўнавартасна прэзентавала Prologue. Гэта першы цалкам электрычны пазадарожнік кампаніі, продажы якога стартуюць у пачатку 2024 года.

Запас ходу машыны складае 482 кіламетры. У канкурэнтаў у асобе Hyundai Ioniq 6 і Hummer EV гэты паказнік вышэйшы. Аднак Prologue, нягледзячы на гэта, будзе даражэйшым, чым аналагі. Кошт электрамабіля стартуе прыкладна ад $40 тысячаў у базавай камплектацыі.

Пазадарожнік пабудаваны на архітэктуры GM Ultium EV, як і электракар GM, уключаючы Chevy Blazer EV. Аўтамабіль абсталяваны акумулятарнай батарэяй ёмістасцю 85 квт-ч, якая аднолькава падыходзіць і для заднепрывадных, і для поўнапрывадной версіі. Аднак запас ходу 482 кіламетры пазначаны толькі для першай. Які паказнік будзе ў другой, пакуль невядома.

Затое характарыстыкі рухавіка Honda паказала менавіта для поўнапрывадной версіі. Магутнасць складае 288 конскіх сілаў, а крутоўны момант – 451 Ньютан-метра. Хутчэй за ўсё, у заднепрывадных варыянтаў аўто паказнікі ніжэйшыя.

Даўжыня колавай базы Prologue – 309 сантыметраў. Гэта на 12,7 сантыметраў больш, чым у Honda Pilot. Пазадарожнік умяшчае пяць чалавек. У стандартнай камплектацыі электракара падтрымліваюцца тэхналогіі Apple CarPlay і Android Auto. А ўнутры ёсць 11-цалевы дысплэй, які выступае прыборнай панэллю, і 11,3-цалевы інфармацыйна-забаўляльны экран.

Prologue будзе пастаўляцца з хатняй зараднай станцыяй магутнасцю 11,5 квт. А дадатковая опцыя – партатыўная зарадка на 7,6 квт. Разам з першай і другой ідуць крэдыты на зарадку і ўстаноўку.