16 лiпеня 2024, aўторак, 2:44
Падтрымайце
сайт
Сім сім,
Хартыя 97!
Рубрыкі

Зяленскі аб'явіў аб стварэнні новага Альянсу абаронных індустрый

3
Зяленскі аб'явіў аб стварэнні новага Альянсу абаронных індустрый

Ёсць першыя ўдзельнікі.

Прэзідэнт Украіны Уладзімір Зяленскі аб'явіў аб стварэнні Альянсу абаронных індустрыі. Да яго могуць далучыцца вытворцы зброі і вайсковай тэхнікі ва ўсім свеце, пры гэтым першыя 13 кампаній ужо сталі ўдзельнікамі.

Аб гэтым заявіў кіраўнік украінскай дзяржавы падчас Форуму абаронных індустрый, паведамляе карэспандэнт РБК-Украіна.

«Сёння на гэтым форуме мы абвесцім аб стварэнні альянсу абаронных індустрый — альянсу, які шануе міжнароднае права і ўмее працаваць для рэальнай абароны міжнароднага права, бяспекі. І я гавару не толькі пра Украіну, а пра бяспеку кожнай нацыі ў свеце ад усякай агрэсіі», — заявіў Зяленскі.

Паводле ягоных слоў, Украіна распрацавала адпаведную базавую дэкларацыю як падмурак альянсу. І да яго могуць далучыцца вытворцы зброі і вайсковай тэхнікі з усяго свету, якія "падзяляюць намер даць рэальную абарону ад агрэсій у рызыкоўных варунках сучаснасці".

"Сёння на старце гэтую дэкларацыю ўжо падпісала 13 выдатных кампаній, ахвочых разам з Украінай ствараць новы арсэнал свабоднага свету", – расказаў Зяленскі.

Акрамя таго, кіраўнік дзяржавы абвясціў — Украіна распрацоўвае спецыяльны эканамічны рэжым для абаронна-прамысловага комплексу.

"Каб даць усе магчымасці рэалізаваць свой патэнцыял кожнай кампаніі, якая працуе дзеля абароны ва Украіне і з Украінай або якая хоча прыйсці ва Украіну", – дадаў Зяленскі.

Форум абаронных індустрый

Ва Украіне праходзіць Форум абаронных індустрыі з удзелам украінскіх і замежных вытворцаў зброі. Акцыя мае зафіксаваць дасягненні ўкраінскага абаронна-прамысловага комплексу.

Мэта Украіны — прадэманстраваць тое, што ўжо ўмее і разгледзець тое, што можа дадаць да магчымасцяў, у тым ліку праз стварэнне новых вытворчасцяў у краіне, праз лакалізацыю з партнёрамі.

Як паведамлялі ў МЗС, у Форуме бяруць удзел сама меней 165 абаронных кампаній з 26 краін.

Сярод удзельнікаў форуму і генеральны сакратар NATO Енс Столтэнбэрг. Ён адзначыў вынаходлівасць ўкраінскай абароннай прамысловасці і заявіў, што «зброя для Украіны — гэта шлях да міру».

Для ўдзелу ў Форуме таксама ў Кіеў прыехаў і міністр абароны Францыі Сэбасцьен Лекарню. Ён прыбыў з дэлегацыяй прадстаўнікоў кампаній, якія спецыялізуюцца на вырабе вайсковай тэхнікі.

Ужо вядома, што Украіна падпісала блізу 20 умоў з французскімі абароннымі прадпрыемствамі.

Напісаць каментар 3

Таксама сачыце за акаўнтамі Charter97.org у сацыяльных сетках