16 лiпеня 2024, aўторак, 2:57
Падтрымайце
сайт
Сім сім,
Хартыя 97!
Рубрыкі

Мінабароны Румыніі: Расейскія «Шагеды» заляцелі на тэрыторыю краіны

6
Мінабароны Румыніі: Расейскія «Шагеды» заляцелі на тэрыторыю краіны

Гэта адбылося падчас начнога нападу на Украіну.

Расейскія дроны-камікадзэ, імаверна, зноў парушылі паветраную прастору Румыніі падчас атакі супраць Украіны ўночы 30 верасня. Пра гэта паведамляе Міністэрства абароны Румыніі.

Адзначаецца, што расейскія беспілотнікі былі знойдзены ў небе паблізу ад Румыніі, калі яны групамі накіроўваліся ў бок тэрыторыі Украіны. Праз гэта ў населеных пунктах прымежных з Украінай абшараў быў абвешчаны рэжым паветранай небяспекі.

Аднак гэтым не абмежавалася. Радарная сістэма назірання румынскага войска адзначыла магчымае несанкцыянаванае пранікненне расейскіх дронаў у паветраную прастору Румыніі.

«У выніку сілы ратавальнікаў, паліцыі і памежнай паліцыі былі перанакіраваныя ў абшары паблізу места Галаца, дзе быў зафіксаваны адпаведны сігнал радара. На гэты момант аб'ектаў, якія ўпалі з паветранай прасторы на тэрыторыі краіны, не знойдзена. Сёння пошукі прадоўжацца», — запэўнілі румынскія вайскоўцы.

Напісаць каментар 6

Таксама сачыце за акаўнтамі Charter97.org у сацыяльных сетках