«Была цікавая нарада»: Буданаў падаў дэталі планаў РФ аб захопе Харкава

Большую частку сродкаў для «спецаперацыі» расейцы раскралі.

На пачатку поўнамаштабнага ўварвання расейскія акупанты разлічвалі на супраціў некалькіх людзей. Захоп Харкава меў для іх прынцыповае значэнне. Падрабязныя планаў РФ выкрыў кіраўнік Галоўнай управы выведкі Мінабароны Кірыла Буданаў.

Так, са слоў кіраўніка ГУВ, за два тыдні да пачатку ўварвання расейскія вайскоўцы правялі нараду, на якой абмяркоўвалі падрыхтоўку ўварвання.

«Там іх мелі сустракаць, і тут выключна нейкія асобныя людзі маглі недзе там са зброяй нешта кудысьці ў той бок стрэльнуць, але што такое асобны чалавек... За два тыдні да пачатку гэтых падзей была адна цікавая нарада, на якой чарговы раз распачалі дыскусію, ці ўсё гатовае. І пачалася пэўная няўпэўненасць, што там усё так ужо моцна чакаюць расейскіх вайскоўцаў. І было ўзнята пытанне: "А куды марнаваліся сродкі столькі гадоў?" На наступнай нарадзе сказалі: «Ведаеце, там усё гатовае, трэба заходзіць», — расказаў Буданаў у дакументальным праекце Дзмітрыя Камарова «Год. Харкаўшчына».

Кіраўнік ГУВ дадаў, што расейскія чыноўнікі раскралі большую частку грошай, выдадзеных на падрыхтоўку глебы для расейскага ўварвання ва Украіну. На інфармацыйную падрыхтоўку грошы часам ішлі, аднак не на ўсё астатняе.

«На інфармацыйную (падрыхтоўку — рэдакцыя) яны недзе яшчэ ішлі (сродкі — рэдакцыя). На ўсё астатняе — прабачце», — дадаў Буданаў.

У сваю чаргу, начальнік Сухаземных войскаў УСУ Аляксандр Сырскі патлумачыў, што Харкаў для ворага заўсёды быў прынцыпова важным. Гістарычна расецы заўсёды квапіліся на Слабажаншчыну і яе прамысловы цэнтр, дзе сканцэнтраваная вялікая колькасць высокатэхналагічных прадпрыемстваў. Да таго ж, гэтае места з'яўляецца культурным цэнтрам.

Са слоў Сырскага, для Украіны Харкаў таксама мае немалаважнае значэнне, таму нашы войскі магутна трымалі абарону. Абаронцы выстаялі, і расейцы не захапілі места, хоць і акупавалі частку вобласці. Аднак увосень 2022 года УСУ і адтуль выбілі ворага.