У акупантаў у Крыме пачаліся дрыжыкі праз марскія дроны УСУ

Расейскія караблі ўцяклі на сухазем’е.

Ударныя марскія робаты УСУ трымаюць у напружанні акупацыйнае войска РФ у Крыме. Каб не патрапіць пад удар, расейцы перасоўваюць васковыя катэры сухазем’ем.

Пра гэта паведамляе партызанскі рух "АТЕШ".

Агенты заўважылі на поўдні Крыма ля Бахчысараю калону з баявымі катэрамі «Раптар».

Адзначана, што везлі судны ў бок Севастопаля.

«Яны былі перакінутыя трасай «Н06» у бок Севастопаля. Гэтыя катэры выкарыстоўваюцца для патрулявання берагавой лініі Крыму. Відавочна, што рашысты вельмі напалоханыя атакамі ўкраінскіх дронаў, і неўзабаве не застанецца месцаў у Чорным моры, дзе яны будуць у бяспецы», — паведамілі ў «АТЕШ».

Адзначым, што ў вялікай вайне супраць Украіны расейскае войска ўжо страціла некалькі катэраў тыпу «Раптар».

Незалежны рэсурс ORYX зафіксаваў знішчэнне украінскімі сіламі 5 суднаў гэтага тыпу.

Аднак страты могуць быць вялікімі, бо ў спіс ORYX трапляе толькі тая тэхніка, знішчэнне якой верыфікаванае відэа або фота.

Варта таксама дадаць, што ў 2023 годзе Украіна пачала актыўна ўжыываць у Чорным моры беспілотныя ўдарныя катэры супраць вайсковых цэляў РФ.

Вынікі аперацый больш чым уражальныя. Амаль не маючы ўласнага флоту, Кіеў змог пазбавіць РФ панавання ў акваторыі.

Эксперты мяркуюць, што неўзабаве Маскве давядзецца выводзіць свой флот з Крыма, бо ў іншым выпадку яго чакае знішчэнне.