У Літву прыляцелі спецыяльныя самалёты NATO, якія праскануюць усю Беларусь

Да чаго яны здольныя?

Літоўскае войска паведаміла 29 верасня, што NATO ўжо даслала на тэрыторыю краіны сістэмы далёкага радыёлакацыйнага выяўлення NATO (AWACS). Гэта спецыяльна абсталяваныя самалёты Boeing.

«Інфраструктура Узброеных сіл Літвы, абраная для выканання задач, з'яўляецца вынікам нашай працы, інвестыцый і магчымасцяў для размяшчэння самалётаў і асабовага складу. Хаўруснікі з 16 краін на працягу 6 тыдняў будуць выконваць задачы з базы ВПС у Шаўлях. Сілы NATO накіроўваюцца туды, дзе яны неабходныя ў гэты момант», — заявіў гетман ВПС палкоўнік Антанас Матуціс.

Абрэвіятура AWACS расшыфроўваецца як бартавая сістэма папярэджання і кіравання. Задача AWACS — быць цэнтрам каардынацыі дзеянняў. Для гэтага быў распрацаваны спецыяльны самалёт Boeing E-3 Sentry. Паводле публічных звестак у Інтэрнэце, такі самалёт здольны выявіць вялікія вышынныя цэлі тыпу бамбавіка на адлегласці да 650 км, а малавышынныя малапамерныя цэлі (1 м) на фоне зямлі — на адлегласці да 425 км. Такім чынам, Boeing E-3 Sentry зможа прасканаваць неба практычна над усёй Беларуссю.