16 лiпеня 2024, aўторак, 2:55
Падтрымайце
сайт
Сім сім,
Хартыя 97!
Рубрыкі

Лепс і Чычэрына хацелі падтрымаць акупантаў, але абняславіліся

18
Лепс і Чычэрына хацелі падтрымаць акупантаў, але абняславіліся

Прапагандысты выдалі недарэчны «гіт».

Паплечнікі Крамля, а па сумяшчальніцтве спевакі, Рыгор Лепс, Юлія Чычэрына і Улад Маленка выканалі новую замову ўлады - стварыць «патрыятычны» трэк. Калектыўна прыгадаўшы ўсе вядомыя ў гісторыі імёны расейскіх мастакоў, пісьменнікаў, навукоўцаў і палітыкаў, прапагандысты выдалі недарэчны "гіт", піша obozrevatel.com.

Без хлусні, маніпуляцый і скрыўлення фактаў, як звычайна, не абышлося. Відэа, дзе артыстаў змясцілі паміж фота і выразкамі з расейскіх газет, з'явілася на youtube.

У парадку чаргі кожны з пуціністаў выканаў свой куплет. Не прайшло і 20 секунд, як выканаўцы пачалі паразітаваць на імёнах.

У першым жа куплеце Лепс выдаў, што "Вярнадскі бачыў у небе расейскія маякі". Дарэчы, «маякамі» ў песні характарызуюць дасягненні РФ, акупантаў і ўвогуле што хочаце, звязанае з тэрарыстычнай дзяржавай.

Аднак гісторыкі б з Лепсам не пагадзіліся. Навуковец Уладзімір Вярнадскі, хоць і нарадзіўся ў Санкт-Пецярбургу, прысвяціў жыццё адраджэнню ўкраінскай культуры. Ён быў заснавальнікам Нацыянальнай бібліятэкі Украінскай дзяржавы ў Кіеве, чальцом Навуковага таварыства Шаўчэнкі, патрабаваў прызнання наяўнасці асобнага ўкраінскага народа, што ішло насуперак пазіцыі ўладнай верхавіны Расейскай імперыі.

Перад смерцю навуковец перадаў у Акадэмію навук Украіны свае ўспаміны, у якіх адзначаў: "Я веру ў вялікую будучыню і Украіны, і Украінскай акадэміі навук". Ні слова аб "расейскіх маяках".

"Сваім" для расейцаў стаў Гогаль, народжаны ва Украіне. Не абышлі бокам прапагандысты і акупаваныя гарады Украіны. Так, у тэксце гаворыцца, што Данецк нароўні з іншымі гарадамі РФ і акупаванымі рэгіёнамі “зрабілі выбар. І гэты выбар – Бог”. За Госпада яны, верагодна, уважаюць свайго правадыра Уладзіміра Пуціна.

У кліпе ўсе трое прапагандыстаў паўсталі ў ваяўнічых позах, Лепс пішчаў, а гледачам паказвалі чорна-чырвоныя дэкарацыі са зброяй і рознымі славутасцямі РФ.

Пішчаў ад гэтага абсурду, дарэчы, не толькі Лепс. Мяркуючы з каментароў, расейцы высока ацанілі гэтую насмешку над музыкай і натхніліся на новыя вайсковыя злачынствы. Зрэшты, праглядаў на роліку занадта мала, каб назваць гэтае бязладдзе “хітом”, таму, хутчэй за ўсё, жыць “Маякі” будуць толькі на прапагандысцкіх канцэртах.

Напісаць каментар 18

Таксама сачыце за акаўнтамі Charter97.org у сацыяльных сетках