У войскаў РФ пачаліся вялікія праблемы на левым беразе Дняпра ў Херсонскай вобласці

Наспявае сур'ёзны бунт супраць камандавання.

Расейскія войскі на акупаваным левабярэжжы Херсонскай вобласці працягваюць адчуваць значныя праблемы з камандаваннем і сувяззю, якія пасля змены камандзіра расейскай групоўкай «Дняпро» не толькі застаюцца, але і ўзмацняюцца.

Захопнікі скардзяцца, што па некалькі гадзін чакаюць ад камандавання дазволаў на знішчэнне артылерыяй пэўных цэляў, пры гэтым камандзіры патрабуюць папярэдне даць фота і відэапацвярджэнні гэтых цэляў.

Непакоіць акупантаў таксама нястача сістэм РЭБ для супрацьдзеяння беспілотнікам, а ўкраінскія ваяры ў раёне Крынак знішчаюць да 90% расейскай тэхнікі.

Аб праблемах захопнікаў у Херсонскай вобласці распавялі ў Інстытуце вывучэння вайны (ISW).

Высновы аб значных праблемах расейцаў на левабярэжжы Херсоншчыны, якія істотна пагаршаюць баяздольнасць расейскіх войскаў, аналітыкі зрабілі, перш за ўсё, на аснове расейскіх крыніц.

Расейцы працягваюць скардзіцца, што праблемы з камандаваннем і сувяззю не толькі не развязваюцца пасля замены камандавання расейскай групоўкі "Дняпро", а нават пагаршаюцца.

Хаця пасля прызначэння камандзірам групоўкай Міхаіла Цяплінскага, цытуюць аналітыкі аднаго з блізкіх да Крамля расейскіх ваенных блогераў, акупантаў крыху радзей гоняць у самагубчыя штурмы ў раёне Крынак.

Цяпер акупанты каля Крынак скардзяцца, што нібыта не могуць збіваць украінскія самалёты і гелікаптэры, бо не атрымліваюць ад камандавання своечасовы дазвол на іх збіццё. Ды і на адкрыццё артылерыйскага агню па ўкраінскіх ваярам захопнікі могуць чакаць дазволаў па некалькі гадзін. І атрымліваюць іх толькі пасля таго, як перададуць у штаб каардынаты цэляў, а таксама фота ці відэапацверджанне цэляў.

У той жа час акупанты скардзяцца на нястачу сістэм РЭБ для процідзеяння ўкраінскім беспілотнікам, якія ў раёне Крынак актыўна прымяняюцца і наносяць захопнікам значныя страты.

Яшчэ адзін расійскі "ваенкар" таксама заклікаў расейскае камандаванне спыніць перакідваць у Крынкі і найбліжэйшыя раёны тэхніку, бо, паводле яго слоў, украінскія ваяры знішчаюць там да 90% ваеннай тэхнікі акупацыйнай войска.

Па словах ваеннага экспэрта Канстанціна Машоўца, дыслакаваныя на паўднёвы ўсход ад Крынак часткі 17-га танкавага палка 70-й мотастралковай дывізіі "гараць жаданнем" весці моцныя атакі для знясілення Сіл абароны Украіны. Гэта сведчыць, што прынамсі камандаванне гэтага палка лічыць мэтазгодным прытрымлівацца ўпадабанай расейскай тактыкі: праводзіць знясільвальныя франтальныя напады.

Пры гэтым за час баёў у раёне Крынак расейскія войскі панеслі значныя страты. Асабліва моцна пацярпелі часткі расейскай 104-й паветрана-дэсантнай дывізіі.

"ISW пастаянна назірае за скаргамі расейцаў на неадэкватнае камандаванне, каардынацыю паміж падраздзяленнямі і ўнутры падраздзяленняў, супрацьпаветраную абарону, агнявую падтрымку і РЭБ з лістапада 2023 года, але працягвае ацэньваць, што гэтыя паведамленні аб тактычных праблемах не заўсёды прыводзяць да значных аператыўных наступстваў", – адзначылі аналітыкі.

На 9 студзеня, дадалі ў ISW, каля Крынак працягваліся пазіцыйныя баі, якія, зрэшты, не прывялі да пацверджаных змен на лініі фронту на левабярэжжы Херсона.