У Нацыянальным аэрапорце «Мінск» з'явіцца вуліца з арыгінальнай назвай

Раней яна называлася проста "вуліца No 1".

На тэрыторыі Нацыянальнага аэрапорта "Мінск" з'явіцца "вуліца Аэравакзальная". Такую пастанову прыняў 22 снежня Менскі гарадскі савет дэпутатаў.

Дакумент сёння апублікаваны на Нацыянальным прававым інтэрнэт-партале.

Аэрапорт з'яўляецца складовай часткай Менска і таму Мінгарсавет можа прысвойваць назвы вуліцам, якія праектуюцца. Да атрымання арыгінальнай назвы вуліца называлася проста "вуліца No 1".