«Дагэтуль сядзіць на пасадзе, прызначыўшы жонку віцэ-прэзідэнткай»

Праўда пра краіну, якую беларусы неўзабаве змогуць наведаць без віз.

У рэдакцыю сайта Charter97.org напісаў чытач Веньямін з Салігорску:

- На пачатку новага 2024 года вычытаў я пра “велізарны дыпламатычны поспех” тутэйшай улады: падпісанае міжурадавае пагадненне паміж Беларуссю і Нікарагуа аб узаемным скасаванні віз. Ужо праз месяц.

З цікаўнасці спытаўся ў калег, ці ведаюць яны пра тое, дзе хаця б знаходзіцца тая дзяржава. Яны былі ўпэўненыя, што ў Афрыцы.

Ну тут я магу сябе пахваліць, бо ведаю болей. Некалі за савецкім часам я быў у сваім класе так званым “палітычным інфарматарам”: раз на тыдзень рабіў агляд падзей у свеце. Дык вось пра Нікарагуа савецкія газэты пісалі рэгулярна.

Рэч у тым, што ў 1979 годзе ўладу там захапілі марксісты з Сандынісцкага фронту нацыянальнага вызвалення на чале з Даніелем Артэгам, якім спачуваў і дапамагаў СССР. Усчалася грамадзянская вайна. Закончылася яна толькі ў 1990 годзе свабоднымі выбарамі, на якіх перамаглі дэмакратычныя партыі.

На жаль, дэмакратычны перыяд не трываў вельмі доўга: у 2006 годзе былы дыктатар Даніель Артэга дзякуючы свайму папулізму здолеў перамагчы на чарговых выбарах і… дагэтуль сядзіць на пасадзе, прызначыўшы сваю жонку віцэ-прэзідэнткай. Усе выбары з таго часу суправаджаюцца шматлікімі парушэннямі. Дэмакратычныя актывісты зазнаюць пераслед, шмат хто выгнаны з краіны і пазбаўлены грамадзянства. Супраць рэжыму ўведзеныя санкцыі ЗША і Еўразвязу. А вось з Пуціным Артэга мае поўнае паразуменне: нават Абхазію прызнаў. Не нагадвае нічога і нікога?

У даўнейшыя спакайнейшыя часы самыя апантаныя і заможныя падарожнікі з Беларусі даляталі да Цэнтральнай Амэрыкі, да Кубы і Мэксікі, напрыклад. Ці паквапяцца яны цяпер на карыбскія пляжы Нікарагуа, да якіх 10 тысяч км, калі цяпер вялікая праблема трапіць нават у суседнюю Польшчу?

А можа, турамі ў экзатычную Нікарагуа будуць узнагароджваць “выдатнікаў” сёлетняга так званага адзінага дня галасавання? Будзе добрая нагода абмяняцца досведам з прадстаўнікамі братняга рэжыму, як фальшаваць выбары ды абыходзіць санкцыі…

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com