Мянчук рабіў рамонт у кватэры, а патрапіў пад крымінальны пераслед

Як так выйшла?

На разгляд у суд накіраваная крымінальная справа ў дачыненні да 44-гадовага раней судзімага гараджаніна, якога абвінавачваюць ва ўчыненні крадзяжу, распавялі агенцтву "Минск-Новости" ў пракуратуры Цэнтральнага раёна сталіцы.

Абвінавачаны рабіў рамонт у кватэры на вуліцы Кахоўскай. Застаўшыся на аб'екце адзін, ён выкраў са шкатулкі тры залатыя завушніцы і заручальны пярсцёнак, якія пасля здаў у скупку.

Выявіўшы знікненне ювелірных вырабаў, гаспадар кватэры звярнуўся ў міліцыю, ацаніўшы прычыненую шкоду на 1 580 рублёў. Супрацоўнікі хутка вывелі зламысніка на чыстую ваду - на шкатулцы засталіся сляды ягоных рук. Той ва ўсім прызнаўся, у зробленым раскаяўся.

- Абвінавачаны зарэгістраваны ў якасці індывідуальнага прадпрымальніка, раней неаднаразова прыцягваўся да крымінальнай адказнасці, - пракаментаваў намеснік пракурора Цэнтральнага раёна Андрэй Нікольскі. − Яму выстаўленае абвінавачанне ў таемным выкраданні маёмасці (крадзяжы), гэта значыць ва ўчыненні злачынства, прадугледжанага ч. 1 арт. 205 КК Рэспублікі Беларусь, санкцыя якой - аж да трох гадоў пазбаўлення волі. Нанесеную шкоду абвінавачаны цалкам кампенсаваў. Згодна з высновай экспэрта, ён мае патрэбу ў прымусовым лячэнні ад хранічнага алкагалізму.

У дачыненні да яго абрана мера стрымання ў выглядзе асабістага паручальніцтва.