У Беларусі будуць дыстанцыйна праводзіць алкатэсты

Каго стануць правяраць і дзе?

У Гарадзенскай вобласці з 22 студзеня да 22 красавіка 2024 года правядуць эксперымент - дыстанцыйнае перадрэйсавае абследаванне кіроўцаў. Пра гэта гаворыцца ў пастанове Міністэрства аховы здароўя ад 12.12.2023 № 193.

Згодна з дакументам, задзейнічаны будзе праграмна-апаратны комплекс "Агляд Плюс". Ён выкарыстоўваецца супольна са спецыяльнай аўтаматызаванай інфармацыйнай сістэмай, якая ўстанаўліваецца на працоўным камп'ютары медыцынскага работніка.

Перадрэйсавае медабследаванне кіроўцаў з выкарыстаннем гэтага комплексу ўключае ў сябе:

- ідэнтыфікацыю асобы кіроўцы (на падставе дакумента, які сведчыць

асобу);

- апытанне кіроўцы на наяўнасць скаргаў;

- вымярэнне тэмпературы цела, пульса і артэрыяльнага ціску з дапамогай убудаваных электронных прыбораў;

- вызначэнне канцэнтрацыі пароў алкаголю ў выдыханым паветры пры дапамозе прыбора, які адпавядае патрабаванням абавязковых для захавання тэхнічных нарматыўных прававых актаў;

- Праходжанне тэсту на ўважлівасць.

Вымярэнне тэмпературы цела, пульса і артэрыяльнага ціску, вызначэнне канцэнтрацыі пароў алкаголю ў выдыханым паветры ажыццяўляецца медыцынскім работнікам у рэжыме рэальнага часу з дапамогай комплексу. У яго інтэграваны сэрвіс, які забяспечвае магчымасць арганізацыі відэа-і аўдыёсувязі медработніка з кіроўцам таксама ў рэжыме рэальнага часу.

Па выніках агляду прылада выдасць раздрукаванае заключэнне аб допуску (немагчымасці допуску) кіроўцы да працы. Пацвярджаецца яно электронным лічбавым подпісам медыцынскага работніка.