Двайнік Пуціна падае сігналы

Хто ў маразільніку?

Адэпты «маразільнай тэорыі» будуць у поўным захапленні - першым пунктам у пачатку перадвыбарнай кампаніі Уладзімір Пуцін абраў адзін з самых суровых пунктаў на нашай планеце - Чукотку, дзе сёння -27. Праўладныя прадстаўнікі сцвярджаюць, што гэта такая хохма ад прэзідэнта: «Глядзіце, а я і сапраўды ў маразільніку!».

Ну а далей Пуцін чамусьці стаў распавядаць, што яго не пазнаюць старыя прыяцелі. Чакаем займальных канспіралагічных допісаў, што гэта двайнік падае нам вербальныя сігналы. А можа, і невербальныя прыплятуць – як нюханне базіліка з памідорам.

Агулам на сустрэчы з жыхарамі Анадыра кіраўнік дзяржавы выпраменьваў спакой і ціхамірнасць, быццам існуе ў Расеі ўзору 2017 года. Расказаў, што ў краіне цяпер мода на шматдзетнасць (калі паспела з'явіцца, калі месяц таму ён жа наракаў на дэмаграфічныя праблемы?), абяцаў падоўжыць да 2030 года праграму «Земскі настаўнік» (прывітанне педагогам, якія сядзяць у пасёлках без электрычнасці) і нават паведаміў, што «сітуацыю з адпачынкамі для ўдзельнікаў «СВА» трымае на кантролі, а што тычыцца выплат, то затрымкі з імі адбываюцца праз бюракратычныя збоі».

Увогуле, адцягваў жыхароў Чукоткі як мог ад цэннікаў у мясцовых крамах, дзе цыбуля каштуе 1100 за кг, а мандарыны 730 рублёў.

Тэлеграм-канал «День опричника»