Зладжаная праца БПЛА і мінамётаў палка Каліноўскага патрапіла на відэа

Беларускім добраахвотнікам удалося ліквідаваць расейскі бронетранспарцёр.

Байцы батальёна «Літвін» палка імя Кастуся Каліноўскага паказалі зладжаную працу БПЛА і мінамётаў.

Беспілотнік зафіксаваў перамяшчэнне і назапашванне расейскай пяхоты ў лесапаласе. Атрымаўшы з паветра дакладныя каардынаты расейскага бронетранспарцёра, беларускія воіны знішчылі яго адным трапным мінамётным стрэлам.

Пасля гэтага вораг спешна рэціраваўся, забіраючы целы загінулых падчас атакі салдат.