УСУ ўзялі ў палон грамадзяніна Самалі, які ваяваў на баку расейскіх акупантаў

Пры сабе ён нават меў самалійскі пашпарт.

Сілы абароны Украіны здолелі ўзяць у палон грамадзяніна Самалі, які ваяваў на баку расейскіх акупантаў, паведамляе «Армія TV» у Telegram.

Таксама журналісты апублікавалі фота ваеннапалонных. Сярод іх ёсць, верагодна, самаліец.

«Пры сабе ён нават меў самалійскі пашпарт і амаль не разумеў ні расейскай, ні ўкраінскай. Ваяваць супраць Украіны самаліец, як і іншыя палонныя, пайшоў за грошы. На фронт патрапіў у канцы снежня, а ўжо ў пачатку студзеня патрапіў у палон», – гаворыцца ў паведамленні.

Іншых дэталяў выданне не раскрыла.