У Берасці чатыры пазадарожнікі цягнулі з канавы аўто таксі

VW Polo апусціўся пад ваду амаль па вокны дзвярэй.

Мінулай ноччу ў Берасці аўтамабіль таксі выехаў за межы праезнай часткі і апынуўся ў глыбокай канаве. VW Polo паглыбіўся пад ваду амаль па вокны дзвярэй, сваім ходам выбрацца было нерэальна.

Паводле інфармацыі «Віртуальнага Брэста», кіроўца тэлефанаваў у МНС і эвакуатарам, але ўсе адмовілі. Тады ён пачаў звяртацца па дапамогу да мясцовых жыхароў, у якіх ёсць пазадарожнікі, і людзі сталі прыязджаць на дапамогу.

Спачатку спрабавалі цягнуць адным пазадарожнікам, але легкавушку здолелі толькі выцягнуць з вады, па схіле яе падняць ужо не атрымлівалася.

Тады на дапамогу прыехалі яшчэ 3 кіроўцы на пазадарожніках, якія сталі цягнуць Volkswagen другім тросам, адзін за другім, змейкай.

Задумка ўдалася, легкавік выцягнулі на роўную пляцоўку, а аўтар відэа на радасцях пракрычаў: «Усё, на рынак».

Паводле інфармацыі ДАІ Берасця, кіроўца таксі не справіўся з кіраваннем. У выніку ДТЗ кіроўца не пацярпеў (з аўтамабіля выбраўся самастойна праз акно), пасажыраў у салоне транспартнага сродку не было.