15-гадовы чэх уцёк з дому, каб ваяваць за Украіну

Хлопца знайшлі ў Пшэмыслі

У Польшчы затрымалі чэшскага падлетка, які меў намер ехаць ваяваць за Украіну.

Як паведамілі ў памежным упраўленні польскай часткі Сілезіі, дзякуючы польскім памежнікам, чэшскай паліцыі і ўкраінскім службам 15-гадовага падлетка шчасна вярнулі дадому ў Астраву.

Паведамляецца, што днём раней падлетак пайшоў з дому ў школу, але на занятках не з'явіўся. Бацькі паведамілі аб гэтым у паліцыю, падаўшы звесткі сына. Чэшскія праваахоўнікі адправілі інфармацыю польскім калегам і ў выніку хлопца знайшлі ў Пшэмысле, недалёка ад украінскай мяжы.