Бэн Ходжэс: Буданаў і ГУР значна апярэджваюць расейскія спецслужбы

Амерыканскі генерал высока ацаніў нетрывіяльныя дзеянні ўкраінскага камандавання.

Галоўная ўправа выведкі Мінабароны Украіны і яго кіраўнік Кірыл Буданаў значна апярэджваюць расейскія спецслужбы. Яны актыўна супрацьдзейнічаюць Расеі і шукаюць нетрывіяльныя спосабы перахапіць ініцыятыву па-за полем бою.

І гэтым здабываюць час для аднаўлення сіл абароны і карэктавання далейшых ваенных планаў.

Як паведамляе «Обозреватель», пра гэта ў сваім профілі ў сетцы Х, раней вядомай як Twitter, напісаў экс-камандзір войскам ЗША ў Еўропе Бэн Ходжэс.

Высокую адзнаку амерыканскага генерала Буданаў і ГУВ агулам заслужылі пасля шэрагу ўдалых нападаў на вайсковыя аб'екты на тэрыторыі РФ у ноч на 21 студзеня.

“Генерал-лейтэнант Буданаў і ГУВ настолькі далёка наперадзе расейскіх спецслужбаў... вядуць бой з расейцамі, шукаюць спосабы перахапіць ініцыятыву, пакуль УСУ карэктуюць свае планы і аднаўляюць сваю сілу”, - мяркуе Ходжэс.

Ён таксама зрабіў рэтвіт меркавання свайго аўстралійскага калегі, генерал-маёра ў адстаўцы Ніка Раяна наконт начнога ўдару Украіны па нафтавым тэрмінале ў Ленінградскай вобласці.

“Гэта тое, што мы можам назваць “агрэсіўнымі санкцыямі” ў экспарце расейскай энэргіі. Чарговая дэманстрацыя пастаянна стратэгічнага ўдарнага комплексу Украіны, які ўвесь час адаптуецца і дастаткова сур'ёзна ўражвае”, - напісаў Раян.