WSJ: Катар, ЗША і Егіпет прапанавалі новы мірны план для Блізкага Усходу

Прапанова з’яўляецца новым падыходам да ўціхамірвання канфлікту.

Злучаныя Штаты, Егіпет і Катар прапанавалі новы мірны план для Блізкага Усходу, які пачнецца з вызвалення закладнікаў і ў канчатковым выніку прывядзе да вываду ізраільскіх войскаў і спынення вайны ў сэктары Газа.

Пра гэта паведамляе The Wall Street Journal.

Ні адна са старон канфлікту не пагадзілася на ўмовы новай прапановы, якая змяшчае крокі, што супярэчаць заяўленым пазіцыям Ізраіля і ХАМАС.

Людзі, якія ведаюць перамовы, сказалі, што Ізраіль і ХАМАС, прынамсі, зноў гатовыя да абмеркавання пасля некалькіх тыдняў застою па заканчэнні апошняга спынення агню 30 лістапада. Са слоў суразмоўцаў, у найбліжэйшыя дні перамовы працягнуцца ў Каіры.

«Ахвота дзвюх старон абмяркоўваць рамачную праграму стала станоўчым крокам. Пасярэднікі цяпер працуюць над ліквіжацыяй разрыву», — сказаў адзін з суразмоўцаў, інфармаваны аб хадзе перамоў.

Новая прапанова, падтрыманая Вашынгтонам, Каірам і Дохай, з’яўляецца новым падыход да ўціхамірвання канфлікту – мэта ў тым, каб зрабіць вызваленне ізраільскіх закладнікаў, выкрадзеных ХАМАС, часткай усёабдымнага пагаднення, якое магло б прывесці да спынення баявых дзеянняў.