Навігатар завёў кіроўцу ў вадаём пад Менскам

Ён паспеў праехаць па лёдзе прыкладна 50 метраў.

Машына правалілася ў вадаём пад Менскам, кіроўцу давялося даставаць адтуль ратавальнікам. Пра гэта паведамляе МНС.

Інцыдэнт адбыўся ўвечары 4 студзеня ў аграгарадку Хацежына. Там кіроўца ехаў па навігатары і не заўважыў вадаём.

Ён паспеў праехаць па лёдзе прыкладна 50 метраў. Пасля чаго машына часткова правалілася.

Мужчыну дасталі пры дапамозе выратавальнага кола, лесвіцы-штурмоўкі і вяроўкі. Яго агледзелі лекары, ехаць у лякарню кіроўца не захацеў.