У Менску сёння пачнуць уключаць ацяпленне
9- 1.10.2024, 14:00
- 3,894
Але не ўсім.
У Менгарвыканкаме прынятая австанова аб уключэнні з 1 кастрычніка ацяплення ў дзіцячых садках, школах, лячэбна-прафілактычных, медычных установах, установах сацзабеспячэння, музеях, архівах, бібліятэках і гатэлях, пішуць "Мінск-новости".
Згодна з абноўленымі нормамі заканадаўства, сёлета ацяпленне ў сацыяльных аб'ектах горада ўключаюць пры сярэдняй дзённай тэмпературы ад +10°С і ніжэй, якая трымаецца на працягу 3 дзён запар.
Цяпло ў жылыя дамы, установы культуры і іншыя адукацыйныя ўстановы будзе падавацца, калі сярэднедзённая тэмпература паветра не будзе перавышаць +8°C, таксама 3 дні запар.
Апошнімі ў спісе будуць адміністрацыйныя, прамысловыя і іншыя арганізацыі, вытворчыя будынкі.