ЕЗ адклаў увядзенне новай сістэмы ўезду і выезду
1- 11.10.2024, 9:30
- 5,266
Яна павінна была набыць моц 10 лістапада.
Еўракамісія адклала ўвядзенне Сістэмы ўезду/выезду (EES) - аўтаматызаванага рэестра для падарожнікаў, які павінен быў уступіць у дзеянне 10 лістапада, паведамляе Euronews.
Як расказала камісар унутраных спраў Ілва Ёхансан пасля заканчэння сустрэчы міністраў унутраных спраў краін ЕЗ, тры краіны — чальцы ЕЗ прызналіся, што яшчэ не гатовыя да пераходу на новую сістэму. Раней дыпламаты ў Брусэлі гаварылі, што размова ідзе аб Нямеччыне, Францыі і Нідэрландах.
- У нас таксама ёсць некаторыя асцярогі з нагоды ўстойлівасці сістэмы, - дадала еўракамісарка, прапанаваўшы паэтапны падыход, які дазволіць укараняць EES "крок за крокам".
Што такое EES
EES - аўтаматызаваная сістэма рэгістрацыі грамадзян дзяржаў, якія не ўваходзяць у ЕЗ, якія прыбываюць з кароткатэрміновымі візітамі. Як гаворыцца на афіцыйным сайце Еўразвязу, рэгістраваць у ёй будуць як тых, хто ўязджае з кароткатэрміновай візай, так і тых, хто мае права бязвізавага ўезду.
Паведамлялася, што пасля прывядзення сістэмы ў дзеянне наведвальнікі па прыбыцці павінны будуць паказваць пашпарты, а таксама фатаграфавацца і рабіць электронны скан адбіткаў пальцаў. Усе ўезды і выезды з беспашпартнай Шэнгенскай зоны будуць фіксавацца.
Дзе павінна дзейнічаць EES
Выкарыстоўваць EES пагадзіліся 28 краін: Аўстрыя, Бэльгія, Балгарыя, Чэхія, Данія, Эстонія, Фінляндыя, Францыя, Нямеччына, Грэцыя, Вугоршчына, Ісландыя, Італія, Латвія, Ліхтэнштэйн, Літва, Люксембург, Мальта, Нідэрланды, Нарвэгія, Польшча, Партугалія, Румынія, Славакія, Славенія, Гішпанія, Швэцыя і Швайцарыя.
Некаторыя краіны Еўразвязу, а менавіта Харватыя, Кіпр і Ірландыя, не далучыліся да EES.
І наадварот, у праект увайшлі некалькі дзяржаў, якія не з'яўляюцца чальцамі ЕЗ. Гэта Ісландыя, Нарвэгія, Швайцарыя і Ліхтэнштэйн.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
