Forbes: УСУ патрапілі ў засаду ў Курскай вобласці

Гэта адбылося ў канцы верасня.

Падчас аперацыі ў Курскай вобласці ўкраінскія вайскоўцы маглі патрапіць у засаду і пазбавіцца каштоўнай тэхнікі. Пра гэта піша аналітык Forbes Дэвід Акс.

Адзначаецца, што 6 жніўня ўкраінскія войскі ўварваліся ў Курскую вобласць краіны-агрэсара Расеі. 12 верасня асобныя ўкраінскія сілы пачалі другое ўварванне, каб злучыцца з галоўнымі сіламі і заціснуць тысячы расейскіх войскаў паміж украінскімі вайскоўцамі і мяжой.

Але, як піша Forbes, УСУ, відавочна, затрымаліся на поўдзень ад горада Вясёлае і патрапілі там у “жорсткую засаду”, пазбавіўшыся сваёй самай каштоўнай тэхнікі.

Паводле інфармацыі аналітыка, у раёне 20 верасня ўкраінскія сілы з баявымі машынамі "Мардэр" нямецкай вытворчасці, швэдскімі баявымі машынамі CV90 і танкамі Strv 122 рушылі па галоўнай дарозе, якая злучае Вясёлае з Глушкава. Аднак там яны сутыкнуліся са 106-й паветрана-дэсантнай дывізіяй.

Выкарыстоўваючы міны, артылерыю, супрацьтанкавыя ракеты і беспілотнікі, расейцы адбілі атаку ўкраінцаў 20 верасня, а таксама наступныя атакі.

«На відэазапісе з беспілотніка, апублікаванай 106-й паветрана-дэсантнай дывізіяй на гэтым тыдні, паказаны 15 ці 16 знішчаных украінскіх машын, у тым ліку некаторыя з найлепшых баявых машын украінцаў: адзін або два CV90, Marder, M-2 і Stryker», - піша Акс.

Аналітык адзначае, што ў Курскай аперацыі Украіна выкарыстоўвае адны з найлепшых брыгад і батальёнаў. Аднак нават гэтыя элітныя фармаванні з цяжкасцю прабіваюцца праз Вясёлае і Глушкава. Паводле ягоных слоў, пакуль украінцы не змогуць рушыць наперад па галоўнай дарозе, якая злучае гэтыя населеныя пункты, іх мэта - сустрэча з асноўнымі сваімі сіламі - так і будзе заставацца нерэалізаванай.

Акс дадаў, што расейцы таксама адчуваюць значныя цяжкасці на гэтым адцінку і страчваюць тэхніку таксама ў вялікай колькасці. Аднак праблема ў тым, што ў войска РФ значна больш тэхнікі, якую яны могуць страціць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com