Беларусаў вярбуюць у расейскае войска праз Instagram

Фотафакт.

Журналіст «Флагштока» знайшоў рэкламу найму ў расейскае войска ў стужцы навін Instagram. Рэкламны допіс быў паказаны акаўнту, лакалізаванаму ў Беларусі. У абмеркаванні прысутнічаюць каментары беларусаў, што пацвярджае меркаванне, што рэклама была таргетаваная на беларускіх карыстальнікаў Instagram. Рэкламны допіс размешчаны 2 кастрычніка, але пад ім дагэтуль з'яўляюцца новыя каментары.

Паведамленне змяшчае спасылку на сайт, прысвечаны вярбоўцы на кантрактную службу ў расейскім войску. Наведвальнікам сайта прапануюць падпісаць кантракт з расейскім войскам у Смаленску. Адрасам, дзе адбываецца падпісанне кантракта, указаны будынак адміністрацыі Смаленскай вобласці.

Стаць кантрактнікам расейскага войска прапануецца не толькі расейцам, але грамадзянам іншых дзяржаў. Патэнцыйным наймітам прапануецца стымулюючыя выплаты ад урада Смаленска і мінабароны. Наяўнасць досведу вайсковай службы не абавязковая, дзейнічае толькі ўзроставае абмежаванне 65 гадоў. Вярбоўшчыкі гатовыя забяспечыць транспартам для трансферу ў Смаленск.

Старонка падрабязна расказвае аб экіпіроўцы, але не гаворыць аб тэрміне дзеяння дамовы. На практыцы такія кантракты маюць бестэрміновы характар: да заканчэння вайны, сур'ёзнага ранення ці смерці байца-найміта.

Аб удзеле ў ваенных дзеяннях на тэрыторыі Украіны вярбоўшчыкі замоўчваюць, аднак не хаваюць, што плацяць за ўдзел у баявых дзеяннях.

Сайт належыць ТАА «Прамерпэй». Фірма была зарэгістраваная ў Маскве ў ліпені 2022 года. Кампанія спецыялізуецца на пошуку і наборы персаналу для іншых арганізацый.

На асноўным дамене сайта размешчаная аналагічная старонка з вярбоўкай на службу паводле кантракта ў Маскве. Тут у якасці месца падпісання кантракта ўказаны адрас размяшчэння ТАА «Прамерпэй» у Маскве. Звязацца з прадстаўнікамі кампаніі праз сайт можна толькі з выкарыстаннем расейскага нумара тэлефона.

Іншых лакацый пошуку наймітаў непасрэдна на сайце выявіць нельга. На «смаленскую» старонку карыстач можа патрапіць толькі па наўпроставай спасылцы з рэкламы.

У Беларусі вярбоўка грамадзян для ўдзелу ва ўзброеных канфліктах пераследуецца законам. Згодна з артыкулам 132 КК РБ, вярбоўшчык караецца пазбаўленнем волі на тэрмін ад 7 да 15 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com