У Беларусь плануе зайсці скандальная расейская сетка грамадскага харчавання

Яе назва выглядае як брыдкаслоўе.

Адна з самых скандальна вядомых расейскіх сетак грамадскага харчавання «Ёбідаёбі» збіраецца выйсці на беларускі рынак. На сайце для франчайзі дастаўкі сушы і ролаў Беларусь пазначаная як «прыярытэтны рэгіён развіцця». Акрамя таго, як высветліў Office Life, «Ёбідаёбі» запусціла рэкламную кампанію па пошуку партнёраў у нашай краіне.

«Ёбідаёбі» абяцае новым партнёрам адаптаваць сваю эканамічную мадэль для горада, дапамагчы з адкрыццём і выйсці на чысты даход ад $50 тысяч за год.

Умовы: кошт франшызы - ад $5 тысяч, раялці - 4% ад абароту. За гэта новым партнёрам прапануюць «магутны і скандальна вядомы брэнд», доступ да «велізарнай базы ведаў», маркетынгавае суправаджэнне, гатовы сайт для замовы онлайн, бухгалтарскае і юрыдычнае суправаджэнне і г.д.

Сетку ў 2016 годзе запусцілі прадпрымальнікі Дзмітрый Прадзед і Канстанцін Зімен з Краснаярска. Дастаўка перш за ўсё вядомая сваёй назвай і правакацыйным падыходам да маркетынгу, праз што часта трапляе ў медыйныя скандалы.

Так, напрыклад, у сярэдзіне 2023 года яна саступіла ў судзе Федэральнай падатковай службе Расеі. Ведамства хацела, каб «Ёбідаёбі» змяніла сваю фірменную назву, бо яно «мае сугучча са словамі ненарматыўнай лексікі, якія маюць непрыстойны змест, а таксама супярэчыць грамадскім інтарэсам і прынцыпам маралі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com