Схованку са зброяй знайшлі ў кабіне ліфта ў адной са шматпавярховак Менска

Фотафакт.

Схованку са зброяй знайшлі ў кабіне ліфта ў адной са шматпавярховак Менска. Пра гэта паведамілі ў ГУУС Менгарвыканкама.

Схованку знайшоў 46-гадовы супрацоўнік ліфтавай службы падчас рамонтных працаў у шматпавярхоўцы па вуліцы Ракасоўскага. Мужчына з напарнікам праводзіў дэмантаж паветравода старой сістэмы пажаратушэння на тэхнічным паверсе, калі і зрабілі сваю знаходку. У схованцы знаходзілася скрынка, а ў ёй ляжалі кабура, глушыльнік і боепрыпасы. Мяркуючы з стану, усе гэтыя прадметы праляжалі ў зацішным месцы шмат гадоў: кабура ўжо спарахнела.

Пра знойдзеную зброю электраманцёр адразу ж паведаміў у Ленінскае РУУС. На ўказаны адрас адразу ж скіравалася следча-аператыўная група.

– Знаходка была канфіскаваная і накіраваная на комплексную экспертызу з мэтай ідэнтыфікацыі асобы чалавека, які пакінуў такія прадметы, – паведамілі ў ГУУС Менгарвыканкама.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com