WP даведалася пра просьбу Трампа лятаць на вайсковым самалёце

Адна з прычынаў – магчымы замах, арганізаваны Іранам.

Каманда кандыдата ў прэзідэнты ЗША Дональда Трампа запытала для яго вайсковыя самалёты для пералётаў і абмежаванні палётаў над ягонымі рэзідэнцыямі і месцамі правядзення перадвыбарных мітынгаў, паведамляе The Washington Post са спасылкай на адпаведныя электронныя лісты і звесткі крыніцаў. Таксама аб патрабаваннях узмацнення захадаў бяспекі для Трампа піша The New York Times (NYT).

WP адзначае, што ніводнага кандыдата ў найноўшай гісторыі не перавозілі на вайсковых самалётах напярэдадні выбараў. Паводле звестак газеты, павышэнне захадаў бяспекі звязанае з атрыманымі звесткамі аб падрыхтоўцы Іранам замаху на Трампа. Непакой ягоных дарадцаў выклікаюць ракеты і беспілотнікі.

«Выведная супольнасць праінфармавала перадвыбарную кампанію пра актыўную зацікаўленасць Ірана ў нанясенні шкоды містэру Трампу», – паказвае NYT.

Просьба вайсковага самалёта або дадатковай абароны прыватнага самалёта Трампа паступіла ад ягонага прыхільніка, рэспубліканца Майкла Уолца. WP адзначае, што дэмакратка Камала Гарыс, канкурэнтка Трампа і дзейная віцэ-прэзідэнтка, лётае на вайсковым самалёце Air Force Two.

NYT таксама піша, што каманда Трампа прасіла ўсталёўваць у месцах, дзе будуць праходзіць яго перадвыбарчыя мерапрыемствы, куленепрабівальнае шкло. У ліпені Трамп перажыў замах на мітынгу ў Пенсільваніі.

Мэнэджарка перадвыбарчага штабу рэспубліканца Сьюзэн Уайлс пісала кіраўніку Сакрэтнай службы Рональду Роў-мал., што ў камандзе Трампа незадаволеныя працай службы і нястачай персаналу аховы. Праз нястачу, напрыклад, адно з публічных перадвыбарных мерапрыемстваў давялося скасаваць, замест яго кандыдат размаўляў у невялікім пакоі з журналістамі.

У Сакрэтнай службе адзначылі, што ўводзяць часовыя абмежаванні на палёты над яго рэзідэнцыямі і падчас паездак, у цэлым Трампу забяспечаны «найвышэйшы ўзровень абароны», у тым ліку з боку Мінабароны, што ўключае праверку на наяўнасць выбуховых прыладаў, выкарыстанне дронаў і г.д.

У траўні 2018 года Трамп, будучы прэзідэнтам ЗША, выйшаў з ядзернай угоды з Іранам, якую ён называў «найгоршай у гісторыі». Пагадненне было заключанае пры яго папярэдніку-дэмакрату Бараку Абаму для стрымлівання ядзернай праграмы Тэгерана ў абмен на скасаванне міжнародных нафтавых і фінансавых санкцый.

Трамп нядаўна заявіў, што Іран хацеў бы бачыць прэзідэнткай Гарыс, а не яго. Такія ж звесткі прыводзіла амерыканская выведка. Сама віцэ-прэзідэнтка называла Ісламскую рэспубліку галоўным спаборнікам ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com