«Траціна запрошаных сабатуюць «пашыральны» саміт БРІКС»
3- 12.10.2024, 15:38
- 6,588
Што пайшло не паводле задумы Крамля.
На саміт БРІКС у Расею адмовілася ехаць траціна запрошаных кіраўнікоў дзяржаў. Пра гэта паведамілі ў Крамлі. Запрашэнні былі разасланыя ў 38 краін. Але прысутнасць на вышэйшым узроўні пацвердзіла толькі 24.
Напрыклад, не прыедзе кіраўнік аднаго з сябраў аб'яднання - кароль Савудаўскай Арабіі, паведамляе FREEДОМ.
XVI саміт БРІКС будзе праходзіць у Казані з 22 да 24 кастрычніка. Яго галоўная тэма - пашырэнне блока. 1 студзеня 2024-га да арганізацыі далучыліся Егіпет, Іран, ААЭ і Эфіопія. Акрамя таго, з пачатку года заяўкі на ўступленне падалі Азербайджан, Турцыя, Малайзія і Сірыя. Аб больш цесным супрацоўніцтве заявілі некалькі краін Афрыкі, Лацінскай Амерыкі і Блізкага Усходу.
Заяўку на ўдзел у саміце падаў і тэрарыстычны рух «Талібан», які знаходзіцца ва ўладзе ў Афганістане. Эксперты сцвярджаюць, што за насычэннем БРІКС антызаходнімі краінамі стаіць Масква.
«Ужо з геаграфіі сяброў і кандыдатаў відавочна, што БРІКС больш не з'яўляецца проста арганізацыяй, якая мае эканамічныя інтарэсы, і там дакладна не ідзе гаворка толькі пра гандаль нафтай і іншымі энэргарэсурсамі. Гэта аб'яднанне краін так званага глабальнага Поўдня, канцэпцыю якога ў супрацьстаянні з глабальным Захадам актыўна прапагандуе РФ. Так яна спрабуе, па-першае, прасоўваць сваю даўнюю канцэпцыю «шматпалярнага свету», а па-другое, - легітымізаваць тэрарыстычныя рэжымы як «паважаных партнёраў і гульцоў на міжнароднай арэне», - пракаментаваў кансультант украінскага Цэнтра ініцыятыў ПЖ на партале «Мілітарны» Аляксандр Дземчанка.
Зрэшты, пашырэнне БРІКС не ўсяму блоку на карысць, зважаюць эксперты. Усе пастановы ўнутры аб'яднання прымаюцца кансэнсусам. Пасля прыняцця заявак ад Сірыі, Турцыі, Малайзіі і Азербайджана колькасць краін павялічыцца да 13. Да таго ж, Турцыя можа стаць першай краінай Паўночнаатлантычнага альянсу ў БРІКС, і блок не зможа мець антынатаўскую накіраванасць. Аналітыкі мяркуюць, што па меры пашырэння аб'яднанне губляе свой першапачатковы сэнс.
- Насамрэч, пакуль не падобна, каб гэтыя дзяржавы аб'ядноўвала штосьці, акрамя агульнай антызаходняй арыентацыі. І калі нехта аб'ядноўваецца не за нешта, а супраць чагосьці, такія аб'яднанні наўрад ці бываюць вельмі даўгавечнымі і перспектыўнымі ў кантэксце свайго развіцця. Гэта даволі розныя дзяржавы, часта - з вельмі супярэчлівымі інтарэсамі. І рана ці позна, гэтыя супярэчнасці ўсё адно пазначацца ў палітыцы, - мяркуе доктар палітычных навук, прафесар Кіеўскага нацыянальнага ўніверсітэта імя Тараса Шаўчэнкі Пятро Аляшчук.
Але зрабіць з БРІКС цалкам падуладны сабе блок у Масквы таксама не атрымаецца. Доля Расеі ў сусветнай эканомікі складае блізу 3%. Гэта ў 2,5 разы менш, чым у Індыі, і больш чым у 6 разоў - чым у Кітая. Эксперты мяркуюць, што пры такім раскладзе РФ не зможа дыктаваць свае ўмовы ў БРІКС.
- У кожным выпадку ў аб'яднанні, у якім прысутнічаюць Кітай і Расея, Расея не будзе галоўнай. Але Расея цалкам можа ўяўляць, што яна прэтэндуе на нейкую альтэрнатыўную палітыку, што яна нейкі альтэрнатыўны цэнтр прыняцця пастаноў. Тактычна гэта Кітаю можа быць даволі выгадна: што ёсць такі сусветны хуліган, якога можна кантраляваць, можна накіроўваць у тым ці іншым ключы, пры гэтым атрымліваць ад гэтага якія-небудзь выгады, - адзначыў Пятро Аляшчук.
Не атрымаецца ў БРІКС стаць альтэрнатывай Захаду і ў эканамічным плане. Раней у аб'яднанні заяўлялі аб увядзенні агульнай валюты, якая павінна была нібыта пакласці канец гегемоніі даляра. Але, як заявіў кіраўнік расейскага Міністэрства фінансаў Антон Сілуянаў, на будучым саміце БРІКС гэтае пытанне не будзе разглядацца. Замест гэтага краіны, з яго слоў, сканцэнтруюцца на стварэнні супольнай фінансавай разлікова-аплатнай сістэмы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
