Сенсацыйнае прызнанне: выбухованебяспечныя пэйджары для «Хізбаллы» закупілі іранцы

Раскрыты дзіўныя дэталі сакрэтнай аперацыі.

Дзіўнай дэталлю сакрэтнай аперацыі, дзякуючы якой былі паранены тысячы ліванскіх тэрарыстаў, падзяліўся Масуд Асадалахі былы намеснік кіраўніка іранскіх сіл Кудс - частак КСІР, якія дзейнічаюць за межамі Ірана, у тым ліку, і ў Ліване. Сваё прызнанне ён зрабіў у эфіры іранскай дзяржаўнай тэлевізіі. Ягонае інтэрвію пераклаў апазыцыйны рэжыму тэлеканал Iran International, адзначаюць «Дэталі».

Пасля таго, як Ізраіль адсачыў і знішчыў некалькіх камандзіраў «Хізбаллы» з дапамогай мабільных тэлефонаў, групоўка наважыла перайсці на пэйджары. У запасе ў яе былі тысячы такіх прылад, але 3-4 тысяч штук не хапала.

«Яны папрасілі іранскую кампанію размясціць замову. У «Хізбаллы» сказалі, што не могуць закупіць пэйджары самі, гэта выкліча падазрэнні. Кампанія пачала перамовы з тайваньскім брэндам », - распавёў Масуд Асадалахі.

Маецца на ўвазе кампанія Gold Apollo, прадукцыю якой імітавалі аўтары дзёрзкай аперацыі. Але іранская кампанія не знайшла падвоху і замовіла 5 тысяч штук.

- Іх перадалі іранскай кампаніі, a тая перадала «Хізбалле». Яны павінны былі прайсці праверку бяспекі, але ніхто не думаў, што пэйджары могуць стаць бомбамі. Іх паслалі без праверак, - працягнуў Асадалахі.

Вынікам стаў паспяховы напад 17 верасня, калі прылады ўзарваліся ў руках і на паясах у тысяч тэрарыстаў. На наступны дзень тое самае адбылося і з рацыямі. Хто закупляў іх для «Хізбаллы», Асадалахі не сказаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com