Расейскія знішчальнікі МіГ-31К у Беларусі: што вядома

Такія самалёты могуць несці на сабе гіпергукавыя ракеты Х-47М2 "Кінжал".

Два знішчальнікі МіГ-31К Паветрана-касмічных сіл Расеі маглі пакінуць Беларусь 10 кастрычніка, паведамляе маніторынгавы праект «Беларускі Гаюн».

«А 15:10 10 кастрычніка стала вядома аб узлёце з аэрадрома «Мачулішчы» двух МіГ-31К ВКС РФ, якія прыбылі ў Беларусь 9 і 10 кастрычніка. Пазней шэраг маніторынгавых каналаў паведаміў аб пасадцы МіГаў у Мачулішчах, мы ж у сваю чаргу гэта не пацвярджалі і не паведамлялі аб пасадцы знішчальнікаў», - гаворыцца ў паведамленні.

Пасля ўзлёту МіГ-31К не вярнуліся на аэрадром «Мачулішчы». Знішчальнікі ўзялі курс на поўдзень, праляцелі міма Баранавіч і затым на ўсход - у бок РФ. Такім чынам, на гэты момант найбольш імаверна тое, што МіГі пасля ўзлёту пакінулі тэрыторыю Беларусі і вярнуліся ў Расею, паведамляе праект.

Нагадаем, а 18.00 9 кастрычніка на аэрадром Мачулішчы пад Менскам прыляцеў першы знішчальнік МіГ-31К ВКС Расеі. 10 кастрычніка паведамлялася аб прылёце другога самалёта.

Такія самалёты могуць несці на сабе гіпергукавыя аэрабалістычныя ракеты Х-47М2 «Кінжал» і здольныя запускаць іх на адлегласць 2000 км, адзначае «Гаюн».

Да гэтага знішчальнікі тыпу МіГ-31К ВКС РФ з'яўляліся ў Беларусі 1,5 гады таму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com