У Расеі разбіўся самалёт Ан-3

Ёсць ахвяра.

Расейскі лёгкі шматмэтавы самалёт Ан-3 АК «Барус» сёння, 13 кастрычніка, разбіўся ў Якуціі ў Алёкмінскім раёне. У выніку здарэння адзін з пасажыраў загінуў.

Пра гэта паведамляе РБК-Украіна са спасылкай на Telegram управы Міністэрства надзвычайных справаў рэспублікі Саха (Якуція).

У паведамленні расейскага міністэрства ўказваецца, што «аварыйную пасадку» паветранае судна здзейсніла за 1,5 кіламетра ад горада Алёкмінск.

«На борце самалёта знаходзіліся 5 чалавек, з іх 3 (чальцы) экіпажу, 2 пасажыры», – гаворыцца ў заяве мясцовых надзвычайнікаў.

Паводле звестак расейскіх СМІ і Telegram-каналаў, самалёт выконваў рэйс Алёкмінск – Жалезнагорск.

Папярэдне прычынай катастрофы называюць адмову рухавіка, пасля чаго пілот нібыта пастанавіў здзейсніць экстранную пасадку ў аэрапорце вылету, але не змог даляцець, і Ан-3 АК упаў каля Алёкмінска.

Дадамо, у расейскай прэсе пішуць, што пасажырамі самалёта маглі быць падраднікі золатаздабыўной кампаніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com