Лукашэнку збіраюцца замяніць?

Дыктатар і ягоная прапаганда паводзяць сябе дзіўна.

На думку аналітыка Сяргея Чалага, у пераемнікі Лукашэнку рыхтуюць Дзмітрыя Крутога, кіраўніка адміністрацыі дыктатара, а раней амбасадара Беларусі ў Расеі.

– Чаму менавіта ён? Звярніце ўвагу, як Лукашэнка апошнім часам размаўляе пра будучыню. Ён кажа, звяртаючыся да сваіх людзей: звыкайцеся, што вам давядзецца жыць без мяне і параўноўваць вам давядзецца з іншым чалавекам, – разважае Чалы ў праграме «Зварка-шоў» на DW.

– Ён гэта гаварыў і раней, але літаральна блізу месяца таму было вельмі добра відаць: ён паказаў на Крутога, і камера на яго перайшла. Лукашэнка ж і раней гаварыў пра тое, што ў прынцыпе яго можа замяніць хто заўгодна і паказваў на людзей у сваім атачэнні. На гэты раз ён сказаў канкрэтна фразу, што мы рыхтуем змену, а не тое, што любы можа замяніць. І ў гэты момант, калі ён прамаўляў фразу «і прыйдзе іншы чалавек», камера выхапіла Дзмітрыя Мікалаевіча Крутога.

А тыдзень таму, калі ён (Лукашэнка – С) наведваў ААТ «Парахонскае», перадавую гаспадарку ў Пінскай вобласці, стаяў побач з Пархомчыкам і кіраўніком гэтай гаспадаркі, тлумачыў, што мы ж павінны краіну ў парадак прывесці за пяць гадоў для таго, хто будзе пасля нас. І паварочваецца да Крутога, які стаіць побач. Вось, кажа, Дзмітрый Мікалаевіч, і разумелі, як дзейнічаць далей. Мне падаецца, што тут усё відавочна.

Больш за тое, беларуская тэлевізія ў Дзень настаўніка паказала сюжэт, нібыта прысвечаны беларускай мове, насамрэч ён быў фактычна жыццяпісам Дзмітрыя Крутога. Яму было прысвечаная больш як палова сюжэту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com