Сабаленка стала чэмпіёнкай турніру WTA-1000 ва Ухане

Гэта яе трэцяя перамога на гэтым турніры.

Другая ракетка свету беларуская тэнісістка Арына Сабаленка стала пераможцай хардавага турніру катэгорыі WTA-1000 у кітайскім Ухане. У фінальным матчы яна ў трох сэтах падолела сёмую ў сусветным рэйтынгу WTA кітаянку Чжэн Цыньвэнь - 6:3, 5:7, 6:3.

Сустрэча працягвалася 2 гадзіны 41 хвіліну. Беларуска сем разоў падала навылёт, дапусціла адну двайную памылку і рэалізавала 7 брэйк-пойнтаў з 12 заробленых. На рахунку яе спабрніцы пяць эйсаў, восем падвойных памылак і 5 здабытых брэйк-пойнтаў з 12.

Гэта 17-ы тытул Арыны Сабаленкі на турнірах WTA і трэці на «тысячніку» ва Ухане. Яна не зведала ніводнай паразы на спаборніцтвах ва Ухане, правёўшы 17 матчаў.

За перамогу яна атрымае 1 000 рэйтынгавых балаў і $525,1 тыс. Прызавы фонд турніру — $3,2 млн.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com