Генштаб УСУ расказаў аб сітуацыі на франтах
1- 13.10.2024, 20:30
- 3,372
Дзе гарачэй за ўсё.
На 16:00, 13 кастрычніка, на фронце ад пачатку дня адбылося 80 баёў. Найбольшая колькасць баявых сутыкненняў зафіксаваная на Курахаўскім кірунку.
Пра гэта паведамляецца ў справаздачы Генштаба УСУ ў Telegram.
Варожыя абстрэлы
У Генштабе адзначылі, што памежныя населеныя пункты Сумскай вобласці працягваюць пакутаваць ад артабстрэлаў з тэрыторыі Расеі. Ад агню рулевай артылерыі пацярпела Бабілаўка. Таксама агрэсар нанёс авіяцыйныя удары па раёнах населеных пунктаў Сасноўка, Мішуціна, Глухаў, Абода і Белая Бяроза, выкарыстаўшы 13 КАБаў.
Акрамя таго, расейцы бамбуюць і Курскую вобласць РФ. Паводле інфармацыі, цяпер па яе тэрыторыі нанесены дзевяць удараў дванаццаццю кіраванымі авіябомбамі.
Сітуацыя на франтах
На Купянскім кірунку ўкраінскія ваяры адбіваюць шэсць варожых атак непадалёк ад Петрапаўлаўкі, Пясчанага, Вішнёвага, Капанок і Лазавой, адно з гэтых боесутыкненняў ужо закончылася.
На Ліманскім кірунку за дзень расейскае войска здзейсніла дзесяць атак каля Грэкаўкі, Дружалюбаўкі, Тэрноў і Торскага. Пяць баёў закончыліся, яшчэ пяць - працягваюцца.
На Краматорскім кірунку абаронцы Украіны адбілі варожы штурм каля Часовага Яра.
На Тарэцкім кірунку адбыліся дзве варожыя атакі ў раёне Шчарбінаўкі.
На Пакроўскім кірунку з пачатку дня акупанты распачалі 15 спроб пацясніць украінскіх вайскоўцаў з займаных пазіцый у раёнах населеных пунктаў Сухі Яр, Лісоўка, Луч і Селідава. Сілы абароны стрымліваюць напор і адбілі 13 нападаў супраціўніка, два баі яшчэ працягваюцца. Вораг канцэнтруе асноўныя намаганні паблізу Селідава, дзе цяпер адбылося 12 баёў.
Сёння гарачэй за ўсё на Курахаўскім кірунку, акупанты правялі 19 атак паблізу Крамянной Балькі, Ізмайлаўкі, Новаселідоўкі, Курахоўкі, Гарняка, Максіміліянаўкі, Канстанцінаўкі і Кацярынаўкі. Цяпер вядуцца тры баі ў раёнах Наваселідоўкі і Крамянной Балькі. Акрамя гэтага, вораг скінуў авіяцыйныя бомбы на Курахава і Іллінку.
На Урэміўскім кірунку падраздзяленні ўкраінскіх войскаў адбіваюць наступ расейцаў недалёка ад Залатой Нівы. Цяпер працягваецца бой.
На Арэхаўскім кірунку акупанты двойчы спрабавалі пацясніць украінскія падраздзяленні з займаных пазіцый. Паблізу ад Рабоціна працягваецца бой.
На Прыдняпроўскім кірунку абаронцамі Украіны адбіты чатыры варожыя атакі, яшчэ адна - трывае.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
