У Расеі спалілі ваенна-транспартны самалёт Ту-134 для пералётаў кіраўніцтва Мінабароны

Борт знішчаны на тэрыторыі вайсковага аэрадрома "Арэнбург-2".

Уночы 13 кастрычніка ў Расеі згарэў ваенна-транспартны самалёт Ту-134. Борт быў знішчаны на тэрыторыі вайсковага аэрадрома "Арэнбург-2".

Такія самалёты расейцы выкарыстоўваюць для пералётаў кіроўнага складу Мінабароны. Пра гэта паведамілі ў Галоўнай управе выведкі Мінабароны Украіны.

Паводле інфармацыі ўкраінскай выведкі, самалёт належаў да 117-га ваенна-транспартнага авіяпалку УС РФ. Паводле адкрытых звестак, гэты полк займаецца абслугоўваннем ваенна-транспартных сродкаў, якія перавозяць спецыяльныя грузы для матэрыяльнага забеспячэння войска РФ. Самалёты гэтага палка базуюцца на аэрадроме ў Арэнбургу.

На апублікаваным ГУВ відэа заўважна, што пажар успыхнуў у насавой частцы вайсковага транспартнага самалёта. Затым полымя распаўсюдзілася і ахапіла большую частку фюзеляжа.

Эксплуатацыю самалётаў Ту-134 у Расеі працягвае толькі Міністэрства абароны. Яшчэ сама меней адзін Ту-134 выкарыстоўваецца міністэрствам абароны Беларусі. Самалёт разлічаны на 76-80 пасажыраў для пералётаў малой і сярэдняй працягласці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com