NATO пачало вучэнні для адпрацоўкі выкарыстання ядзернай зброі

У манеўрах «Стойкі поўдзень» у Еўропе возьмуць удзел блізу 2 тысяч вайскоўцаў.

Найбліжэйшыя два тыдні ў вучэннях «Стойкі поўдзень» у Еўропе возьмуць удзел блізу 2 тысяч вайскоўцаў NATO. Падчас паветраных манеўраў будзе задзейнічана больш за 60 самалётаў, піша Deutsche Welle.

З панядзелка, 14 кастрычніка, пачынаюцца двухтыднёвыя штогадовыя манеўры NATO ў абароне краін-удзельніц альянсу, падчас якіх будзе адпрацавана выкарыстанне ядзернай зброі. Паводле інфармацыі са штаб-кватэры NATO ў Брусэлі, у вучэннях Steadfast Noon («Устойлівы поўдзень») возьмуць удзел блізу 2 тысяч вайскоўцаў, дыслакаваных на васьмі еўрапейскіх авіябазах. Падчас паветраных манеўраў будзе задзейнічана больш за 60 самалётаў, сярод якіх сучасныя знішчальнікі, здольныя перавозіць амерыканскія ядзерныя бомбы, размешчаныя ў Еўропе, далёкія бамбавікі, а таксама самалёты назірання і дазапраўкі.

Сёлета манеўры пройдуць на авіябазах у Бэльгіі і Нідэрландах, а таксама над акваторыяй Паўночнага мора - у паветранай прасторы Вялікабрытаніі і Даніі. У вайсковых вучэннях бяруць удзел самалёты з 13 краін NATO, уключаючы Нямеччыну.

NATO: Вучэнні не з'яўляюцца рэакцыяй на агрэсію Расеі

У NATO падкрэсліваюць, што «Устойлівы поўдзень» не з'яўляецца прамой рэакцыяй на агрэсіўную вайну Расеі супраць Украіны і што баявая зброя падчас манеўраў выкарыстоўвацца не будзе. Тым не менш, вучэнні закліканыя паслаць Маскве выразны сігнал аб тым, што альянс гатовы абараняцца ў тым ліку з дапамогай ядзернай зброі, "калі здарыцца горшае", адзначаюць там.

"Ядзернае стрымліванне – аснова бяспекі Паўночнаатлантычнага альянсу", – растлумачыў генеральны сакратар NATO Марк Рутэ перад стартам манеўраў. Паводле ягоных слоў, гэтыя вайсковыя вучэнні павінны прадэманстраваць "любому супраціўніку", што альянс гатовы адказаць на ўсе пагрозы і будзе абараняць усіх сваіх супольнікаў.

Трэніровачныя палёты без сапраўднай ядзернай зброі

Як піша агенцтва dpa, NATO не дало ніякай інфармацыі аб сцэнары і дэталях вучэнняў. Аднак, паводле звестак шэрагу ваенных экспэртаў, штогадовыя манеўры, якія традыцыйна пачаліся ў сярэдзіне кастрычніка, на гэты раз уключаюць адпрацоўку бяспечнага транспартавання амерыканскай ядзернай зброі з падземных сховішчаў да самалётаў і яе ўстаноўку пад знішчальнікамі. Аднак затым трэнінгавыя палёты праходзяць без бомб, гавораць экспэрты.

Праграма NATO ў сумесным выкарыстанні ядзернай зброі прадугледжвае, што гэты від размешчанай у Еўропе амерыканскай зброі ў надзвычайных сітуацыях можа быць ужыты па аб'ектах супраціўніка з самалётаў краін-партнёраў. З непацверджанай інфармацыі, яно захоўваецца на поўначы Італіі, у Турцыі, Бэльгіі, Нідэрландах, а таксама на базе Бюхель у нямецкай федэральнай зямлі Рэйнланд-Пфальц.

Узброеныя сілы Нямеччыны летась прымалі ўдзел у вучэннях "Стойкі поўдзень", у якіх удзельнічалі нямецкія знішчальнікі Tornado, нагадвае dpa.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com