Мянчук падвёз забытыя дакументы выпадковага знаёмага яму дадому

Спачатку атрымаў узнагароду, потым - праблемы.

Жыхар Менска прывёз дадому выпадковаму знаёмаму пакет з дакументамі, якія той забыўся на прыпынку. Але папярэдне забраў адтуль два падарункавыя сертыфікаты і атаварыў, расказалі “Мінск-Навінам” у пракуратуры. Цяпер мужчына пад “крыміналкай".

У той дзень 59-гадовы мянчук накіроўваўся ў паліклініку. На прыпынку грамадскага транспарту "Трактарны завод" ён разгаварыўся з нецвярозым паджылым мужчынам, які дастаў з пакета бутэльку гарэлкі і прапанаваў яму выпіць.

Праз некаторы час пад'ехаў аўтобус, і пенсіянер, развітаўшыся, зайшоў у яго. Пры гэтым ён забыўся на лаўцы свой пакет, які і забраў новы знаёмы. Унутры ляжалі пашпарты і працоўныя кніжкі мужчыны і ягонай жонкі, а таксама два падарункавыя сертыфікаты на суму 50 рублёў кожны, якія можна было атаварыць у кулінарыі завода, — менавіта гэта мянчук і зрабіў.

Дакументы ж ён пасля адвёз пенсіянерам дадому, схлусіўшы, што ніякіх сертыфікатаў у пакеце не было. У якасці падзякі тыя далі яму 50 рублёў.

Паколькі кожны з выкрадзеных сертыфікатаў меў свой нумар, устанавіць асобу непрыстойнага гараджаніна было проста. Яго ідэнтыфікавалі праз запісы камеры відэаназірання, у аб'ектыў якой ён патрапіў падчас атаварвання сертыфікатаў.

Мужчыну абвінавацілі ў крадзяжы (ч. 1 арт. 205 КК). Згодна з высноай экспэрта, ён мае патрэбу ў прымусовым лячэнні ад хранічнага алкагалізму. Цяпер абвінавачаны пад падпіскай аб нявыездзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com