Намеснік камандзіра камбрыга УСУ: Вайскоўцы з КНДР могуць істотна паўплываць на сітуацыю на фронце

Нават нематываваныя і дрэнна ўзброеныя.

Нават нематываваныя і дрэнна ўзброеныя жаўнеры з Паўночнай Карэі могуць істотна паўплываць на сітуацыю на фронце.

Пра гэта заявіў намеснік камандзіра 3-й АШБр Максім Жорын.

Ён адзначыў, што спецыялісты з КНДР ужо даўно супрацоўнічаюць з Расеяй у такіх галінах, як супрацьпаветраная абарона і інжынерыя, таму прысутнасць салдат КНДР на вайне супраць Украіны не з'яўляецца новай.

Адносна магчымага залучэння паўночнакарэйскіх вайсковых пяхотных падраздзяленняў у вайне супраць Украіны, Жорын адзначыў, што баявыя якасці салдат могуць быць не на самым высокім узроўні, аднак іх удзел усё адно можа мець значны ўплыў на фронце.

«Гэта будзе не самая матываваная і якасная пяхота, але гэта ў кожным выпадку людзі, якія патрэбныя на фронце. Паўплываць на сітуацыю яны могуць істотна, нават калі заменяць расейскія падраздзяленні ў тыле», - падкрэсліў ён.

Намеснік камандзіра 3 АШБр адзначыў, што ў адрозненне ад заходніх партнёраў Украіны, супольнікі Расеі не сутыкаюцца з падобнымі абмежаваннямі ў наданні дапамогі.

«Залучэнне паўночнакарэйскіх вайскоўцаў - цалкам рэальная гісторыя. У адрозненне ад нашых партнёраў, супольнікам РФ нічога не перашкаджае дапамагаць усім, чым яны могуць. Тым больш санкцыямі Паўночную Карэю ўжо сапраўды не напалохаць», - рэзюмаваў Жорын.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com