Зяленскі: Расея плануе гэтай зімой фактычна ўключыць у вайну Паўночную Карэю

Пра гэта сведчаць звесткі ўкраінскай выведкі.

Расея плануе гэтай зімой «фактычна ўключыць» у вайну супраць Украіны Паўночную Карэю, заявіў прэзідэнт Украіны Уладзімір Зяленскі 14 кастрычніка падчас вечаровага звароту.

Зяленскі расказаў, што разам са Службай знешняй выведкі і Галоўнай управай выведкі Мінабароны краіны абмеркаваў планы расейцаў у вайне ва Украіне гэтай восенню – зімой, а таксама фактычнае ўключэнне ў канфлікт Паўночнай Карэі.

– Таксама – стасункі Расеі з некаторымі іншымі краінамі, якія, на жаль, інвестуюць у задоўжванне вайны, – расказаў украінскі лідар.

Уладзімір Зяленскі адзначыў важнасць знешнепалітычнага кірунку.

– Я дзякую выведцы, усім задзейнічаным спецыялістам за поўную карціну. У адказ даў канкрэтныя задачы Сілам абароны, Сілам бяспекі, ураду і нашым дыпламатам. Хто б ні дапамагаў Расеі, будзем рэагаваць так жорстка, як трэба для абароны Украіны. Будзе і адпаведная наша праца з партнёрамі, каб расейскія намеры не спрацавалі

Учора ўкраінскі лідар сказаў, што КНДР выпраўляе сваіх вайскоўцаў ва Украіну ваяваць на баку Расеі.

Раней выданне Kyiv Post напісала, што каля Данецка ў выніку ракетнага ўдару 3 кастрычніка загінулі больш за 20 вайскоўцаў, сярод якіх – шэсць афіцэраў з Паўночнай Карэі. Яшчэ трое вайскоўцаў КНДР былі параненыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com