Экс-кіраўніку аддзела Банкаўскага працэсінгавага цэнтра пагражае да васьмі гадоў калоніі

Яго будуць судзіць 31 кастрычніка.

Андрэю Лабадзе 54 гады. Ён мянчук, скончыў Беларускі дзяржаўны ўніверсітэт інфарматыкі і радыёэлектронікі (тады — Менскі радыётэхнічны інстытут) у 1993 годзе. З таго часу працаваў у банкаўскай сферы, піша «Наша Ніва».

Вядома, што першым месцам працы стаў Беларусбанк, пазней ён перайшоў у Банкаўскі працэсінгавы цэнтр. Там ён дарос да начальніка аднаго з аддзелаў.

Андрэя затрымалі ў красавіку 2024 года. 12 красавіка яму прысудзілі адміністрацыйны арышт за "распаўсюджванне экстрэмісцкіх матэрыялаў". Пасля гэтага супраць яго завялі крымінальную справу. У відэа ГУБАЗіК ён кажа, што зрабіў данат у фонд “Краіна для жыцця” і пісаў каментары.

Суд над Андрэем Лабадам пачынаецца 31 кастрычніка ў Менскім гарадскім судзе. Яго абвінавачваюць у «абразе прадстаўніка ўлады» (арт. 369 КК) і «фінансаванні экстрэмісцкай дзейнасці» (ч. 1 і 2 арт. 361-2 КК). Андрэю пагражае да васьмі гадоў калоніі.

Судзіць яго будзе суддзя Аляксандр Рудэнка. Ён адправіў за краты некалькі дзясяткаў беларусаў паводле палітычных спраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com